1927 – 2013
Kenojuak Ashevak
ᕿᓄᐊᔪᐊᖅ ᐋᓯᕙᒃ, CC, RCA ᑲᓇᑕᒥ ᐃᓕᑕᕆᔭᐅᔾᔪᑎᖃᒻᒪᕆᖃᑕᐅᕗᖅ ᑎᑎᖅᑐᒐᖅᑎᓪᓚᕆᐅᓂᖓᓄᑦ. ᐃᓅᓚᐅᖅᑐᕕᓂᖅ ᐃᑭᕋᓴᒻᒥᑦ, ᓄᓇᓕᕋᓛᕐᒥᑦ ᕿᑭᖅᑖᓗᑉ ᓂᒋᐊᓂᑦ. ᐱᕈᖅᓴᓚᐅᖅᐳᖅ ᐊᒥᓱᓂᑦ ᓄᓇᓕᕋᓛᓂᑦ. ᑭᐊᑦᑑᒥᐅᑕᐅᓕᖅᓱᑎᒃ 1950-ᒥᑦ, ᐋᓯᕙᒃ ᐊᒻᒪᓗ ᐅᐃᖓ, ᔮᓂᑉᕘ ᓴᓇᓐᖑᐊᖃᑦᑕᐸᓪᓕᐊᓯᓚᐅᖅᐴᒃ ᐊᒻᒪᓗ ᑎᑎᖅᑐᒐᖅᐸᓕᖅᓱᑎᓪᓗ. 1966-ᒥᑦ ᑭᓐᖓᕐᓄᑦ ᓄᑦᑎᓕᓚᐅᖅᐴᒃ ᐃᓚᒌᑦ ᐊᑕᖏᖅᓱᑎᒃ ᐱᓇᓱᐊᒻᒪᕆᓕᓚᐅᖅᐴᓪᓗ ᑭᓐᖓᕐᓂᑦ ᑎᑎᖅᑐᒐᖅᕕᖓᓂᑦ ᐃᓅᓯᖓᑕ ᓇᒡᒐᑖᓄᑦ ᔮᓂᑉᕘ 1972-ᒧᓄᑦ. ᐋᓯᕙᒃ ᐃᓕᑕᕆᔭᐅᓯᒪᒻᒪᕆᑉᐳᖅ ᓯᓚᖅᔪᐊᓕᒫᒥᑦ ᐊᒻᒪᓗ ᓵᓚᖃᐅᓯᐊᕈᑎᒋᓯᒪᑦᓱᓂᐅᓪᓗ ᐊᒥᓱᐊᓗᓐᓄᑦ, ᐃᓚᒋᔭᐅᑦᓱᓂ ᒐᕙᒪᑐᖃᒃᑯᑦ ᐊᖓᔪᖅᑳᖅᔪᐊᖓᑕ ᑐᖏᓕᖓᑕ ᑐᓂᔾᔪᑎᖓ ᑲᒪᒋᔭᖃᑦᓯᐊᖅᓯᒪᖅᔪᐊᕐᓂᖓᓄᑦ ᑕᑯᔭᑦᓵᐱᓐᓂᑦ ᐃᔩᓐᓄᑦ ᐊᓚᒃᑲᐃᓯᒪᓂᖓᓄᑦ 2008-ᒥᑦ. ᑎᑎᖅᑐᒐᖅᓯᒪᔭᖏᑦ ᓇᒥᑐᐃᓐᓈᑦᓯᐊᖅ ᑕᑯᔭᒐᖃᖅᕕᓐᓃᑦ ᐊᒻᒪᓗ ᓄᐊᑦᓯᓲᓄᑦ ᓄᐊᑕᐅᒪᑦᓯᐊᖅᓱᑎᓪᓗ ᓇᑭᑐᐃᓐᓈᖅᓯᒪᔪᐊᖅᑐᓂᒃ ᓯᓚᖅᔪᐊᕐᒥᑦ.
ᑐᓴᕋᑦᓴᐃᑦ: ᐃᓱᐊᖓᔪᖅ ᑎᑎᖅ`ᑐᑎᒃᓴᔭᖅ ᐃᒪᖃᓐᖏᑦᑐᖅ, ᐊᒥᐊᓕᒃ ᑎᑎᕋᐅᑎ
ᑐᓴᕋᑦᓴᐃᑦ ˙ᑕᒃᑯᐊ ᐊᑐᐃᓐᓇᕈᖅᑕᐅᓯᒪᓐᖑᐊᑕᖅᓯᓐᓇᖅᑐᑦ ᑐᐊᓴᑦ ᓴᓇᐅᒐᐃᔭᖅᕕᒻᒥᑦ ᑐᕌᓐᑐᒦᑦᑐᒥᑦ ᑐᓴᕆᐊᒃᑲᓐᓂᕈᒪᒍᑦᓯ ᑭᓐᖓᕐᓂᑦ ᑎᑎᖅᑐᒐᖏᓐᓂᒃ ᐊᒻᒪᓗ ᑎᑎᖅᑐᒐᖅᑎᖏᓐᓂᑦ. ᑐᓴᕆᐊᒃᑲᓐᓂᖅᕕᑦᓴᖅ ᐊᑐᐃᓐᓇᐅᑎᑕᐅᓐᖑᐊᑕᖅᓯᓐᓇᖅᑐᑦ ᑐᐊᓴᑦ ᓴᓇᐅᒐᐃᔭᖅᕕᖓᑦ ᑐᕌᓐᑐᒥᑦ. ᑐᓴᕆᐊᒃᑲᓐᓂᕈᒪᒍᑦᓯ ᑎᑎᖅᑐᒐᐃᑦ ᐊᒻᒪᓗ ᑎᑎᖅᑐᒐᖅᑎᐅᑉ ᒥᑦᓵᓄᑦ,ᐳᓛᕆᐊᕈᓐᓇᖅᑐᑎᑦ ᖃᕆᑕᐅᔭᒃᑯᑎᒍᑦ ᐅᕗᖓ ᑐᐊᓴᑦ ᕙᐃᓐ ᐋᕐᑦᔅ.
