ᑲᔪᓯᓕᑦ ᐃᓗᓕᓪᓗᐊᑕᖏᓐᓄᑦ Use Enter key to access main menu drop down options.
ᑲᑐᔾᔨᖃᑎᒌᑦ

ᑐᐊᓴᑦ ᕙᐃᓐ ᐋᕐᑦᔅ

ᓴᖅᑭᖅᑕᐅᓚᐅᖅᓯᒪᒻᒪᓂᑦ 1950−ᖏᓐᓂ ᓴᓇᑐᔪᓄᑦ ᓇᔪᒐᐅᒋᐊᖓ ᐱᖅᑯᓯᓕᕆᕕᐅᓪᓗᓂᓗ, ᑭᙵᐃᑦ, ᓄᓇᕗᒻᒦᑦᑐᖅ ᑲᓇᑕᐅᑉ ᐅᑭᐅᖅᑕᖅᑐᖓ ᑭᓪᓕᖓᓂ, ᐱᕕᐅᖃᑦᑕᖅᓯᒪᔪᖅ ᓄᓇᕐᔪᐊᕐᒥ ᐃᓕᑕᕆᔭᐅᓯᒪᔪᓂᒃ ᑎᑎᖅᑐᒐᕐᓂᒃ, ᑎᑎᖅᑐᒐᓕᐊᖑᓯᒪᔪᓂᒃ, ᓴᓇᙳᐊᒐᕐᓂᓪᓗ. ᑐᑭᒧᐊᑦᑎᑕᐅᑦᓱᑎᒃ ᑭᙵᐃᑦ ᑯᐊᐸᒃᑯᖏᓐᓄᑦ ᒪᓂᒪᑎᑕᐅᑦᓱᑎᓪᓗ ᑐᐊᓴᑦ ᕙᐃᓐ ᐋᕐᑦᔅ−ᑯᑎᒍᑦ, ᑲᓇᑕᒥ ᐃᓄᐃᑦ ᓴᓇᐅᒐᖏᑦ ᐃᓂᖃᖃᑕᐅᓕᖅᓯᒪᕗᑦ ᓴᓇᐅᒐᑦᓯᐊᓂᖅᐹᓂ ᓄᐊᑕᐅᓯᒪᔪᓂᒃ, ᑕᑯᑦᓴᐅᑎᑕᐅᓯᒪᔪᓂ ᑎᑎᕋᐅᑕᐅᓯᒪᔪᓂᓗ ᓄᓇᕐᔪᐊᓕᒫᒥ. ᐊᔾᔨᐅᖏᑦᑐᒥᒃ ᐊᐃᑦᑐᐃᓂᕆᓯᒪᔭᖓᑦ ᑭᙵᕐᓂ ᓴᓇᐅᒐᖅᑏᑦ ᓴᙱᓕᖅᑎᑦᓯᓯᒪᕚᓪᓕᒻᒪᕆᑉᐳᖅ ᐃᓘᓐᓈᒍᑦ ᐅᓪᓗᒥ ᓴᓇᐅᒐᐅᔪᓂᒃ ᐃᑲᔪᖅᓯᒪᑦᓱᓂᓗ ᐱᕈᖅᐸᓪᓕᐊᑎᑦᓯᓪᓗᑎᒃ ᐊᔾᔨᐊᖏᑦᑐᒥᒃ ᑲᓇᑕᒥ. ᑲᔪᓯᑎᓐᓂᐊᕐᓗᒍ ᐅᒻᒪᕆᓐᓂᖓᑦ ᐃᓄᐃᑦ ᓴᓇᐅᒐᖏᑦᑕ, ᐋᖅᑭᑦᓯᒪᓂᖓᑦ ᐱᔭᕆᐊᓕᓪᓚᕆᒃ ᐃᑲᔪᖅᑐᖅᑕᐅᔾᔪᑎᓂᒃ ᓄᑖᕈᖅᓯᒪᔪᒥᓪᓗ ᐊᐅᓚᔾᔭᒋᐊᕐᓂᕐᒥᒃ − ᒪᑭᒪᑦᓯᓂᖅ ᑭᙵᕐᓂ ᑭᖑᕚᕇᓐᓅᖓᔪᓂᒃ ᑲᔪᓯᑎᑕᐅᒋᐊᖃᖅᓱᓂᓗ ᑕᒪᒃᑮᑎᒍᑦ ᓴᓇᑐᓂᒃᑯᑦ ᖃᐅᔨᒪᔭᐅᑎᑦᓯᓂᒃᑯᓪᓗ ᐃᓄᐃᑦ ᓴᓇᐅᒐᖏᓐᓂᒃ.

ᑕᒪᓐᓇᐅᑎᓪᓗᒍ ᐱᐅᓯᐅᓯᒪᔪᖅ, ᑭᙵᐃᑦ ᑯᐊᐸᒃᑯᑦ ᐊᑲᕐᕆᒍᑎᖃᖅᓯᒪᕗᑦ ᑮᓇᐅᔭᑎᒍᑦ ᑲᔪᓯᑦᓯᐊᕐᓯᒪᓂᕐᒥᒃ ᑕᐃᒪᙵᓕᒫᒐᓚᓪᓗ ᓇᒻᒥᓂᖅ ᒪᑭᒪᖃᑦᑕᖅᓯᒪᔪᑦ ᐃᑖᑎᑕᒥᑦᑎᒍᑦ. ᑭᓯᐊᓂᓕ, ᐊᕐᕌᒍᐃᑦ ᐊᕙᑎᑦ ᐱᖓᓱᑦ ᐊᓂᒍᖅᓯᒪᓕᖅᑎᓪᓗᒋᑦ, ᐱᓇᓱᐊᕐᓂᖅ ᐊᓚᒡᒐᐃᑦᑐᒻᒪᕆᒻᒥᒃ ᐊᓯᔾᔨᕐᓂᖃᖅᓯᒪᓕᕐᒪᑦ ᓄᑖᑦ ᑲᔪᓯᑦᓯᐊᕈᑎᑦᓴᐃᑦ ᐊᑐᓕᖅᑕᐅᓯᒪᓪᓚᕆᑦᑎᓪᓗᒋᑦ ᓵᓚᒋᐅᑎᒐᓱᐊᖅᑐᓂᒃ ᐊᕙᑎᒥ. ᐱᓗᐊᖅᑎᒥᒃ ᑮᓇᐅᔭᓕᐅᕋᓱᐊᕐᓂᕐᒨᖓᔪᑦ ᓴᓇᐅᒐᖅᑎᒍᑦ, ᐊᒥᓱᖑᐸᓪᓕᐊᒐᓗᐊᖅᑎᓪᓗᒋᑦ ᓄᓇᕐᔪᐊᕐᒥ ᐱᖅᑯᓯᕐᒨᖓᔪᓂᒃ ᐱᒍᒪᔪᑦ ᖁᕕᐊᑦᓴᓇᖅᓱᓂᓗ, ᑭᓯᐊᓂᓗ ᐊᐃᑉᐹᒍᑦ ᖁᕝᕙᐹᓪᓕᖅᓯᒪᓪᓚᕆᑦᑐᒥᒃ ᐊᑦᓱᕈᕐᓇᓕᐅᒥᖓᑦᓱᓂ. ᑭᖑᕚᕇᓐᓅᖓᔪᖅ ᐊᐅᓚᓂᖅ ᑐᕌᒐᕆᔭᐅᔪᖅ ᐊᐅᓚᔾᔭᒋᐊᕈᑕᐅᓗᓂ ᐊᑭᓴᖅᑐᕐᓗᑎᒃ ᑕᒪᑦᓱᒥᖓ ᐊᓯᔾᔨᐸᓪᓕᓂᐅᔪᒥᒃ − ᐋᖅᑭᑦᓯᒪᓂᖓ ᑕᕝᕙᓴᐃᓐᓇᖅ ᐊᑑᑎᖃᓪᓚᕆᑦᑐᖅ ᐊᐅᓚᔾᔭᐃᒋᐊᓂᕐᒥᒃ ᐃᓄᐃᑦ ᓴᓇᐅᒐᐃᑦ ᐆᒻᒪᕆᐊᖅᑕᐅᖁᓪᓗᒋᑦ ᓯᕗᓂᕐᒥᓪᓗ ᐅᔾᔨᖅᑐᕐᓗᑎᒃ.

ᒪᒃᒪᐃᑯᓪ ᑲᓇᑕᒥ ᓴᓇᐅᒐᐃᑦ ᓄᐊᑕᐅᓯᒪᔪᑦ

ᒪᒃᒪᐃᑯᓪ ᑲᓇᑕᒥ ᓴᓇᐅᒐᕐᓂᒃ ᑕᑯᔭᒐᖃᕐᕕᒃ ᐃᒻᒥᒃᑰᖓᔪᖅ ᑕᖅᑲᐅᖓ ᓴᓇᐅᒐᕐᓂᒃ ᑕᑯᔭᒐᖃᕐᕕᐅᑦᓱᓂ ᓄᓇᓕᕐᔪᐊᕐᓂ ᑐᕌᒐᖃᖅᓱᑎᒃ ᑲᓇᑕᒥ ᓴᓇᐅᒐᕐᓂᒃ ᐊᒻᒪᓗ ᓄᓇᖃᖅᑳᖅᓯᒪᔪᑦ ᓴᓇᐅᒐᖏᓐᓂᒃ ᓄᓇᓕᕐᔪᐊᑦᑎᓐᓂ, ᑕᐃᑦᓱᒪᓂᑕᐃᑦ ᐅᓪᓗᒥᓂᑕᐃᓪᓗ, ᐸᐸᑕᐅᖏᓐᓇᖅᑐᑦ ᓄᐊᑕᐅᓯᒪᔪᑦ ᐅᖓᑖᓂᑦᑐᑦ 6,400 ᓴᓇᐅᒐᖏᑦ ᑖᒻ ᑖᒻᓴᓐ, ᓯᑕᒪᐅᔪᙱᒐᖅᑐᓃᙶᖅᑐᖅ, ᑎᑎᖅᑐᒐᖅᑎᐅᖃᑎᖏᑦ, ᐊᓪᓚᐃᑦ, ᐊᓪᓚᖓᔪᑦ ᐃᓄᐃᓪᓗ ᐅᓪᓗᒥᓗ ᓴᓇᐅᒐᖅᑏᑦ ᐃᑲᔪᖅᓯᓯᒪᔪᑦ ᐱᕙᓪᓕᐊᑎᑕᐅᓂᖏᓐᓄᑦ ᑲᓇᑕᒥ ᓴᓇᐅᒐᐃᑦ. ᒪᒃᒪᐃᑯᓪ ᑕᑯᔭᒐᖃᕐᕕᐅᒻᒥᔪᖅ ᑎᑎᖅᑐᒐᕐᓂᒃ ᐸᐃᑉᐹᓂ ᐃᓄᓐᓂᒃ ᓄᓇᓕᖏᓐᓂᒃ ᑭᙵᐃᑦ, ᐸᐸᑦᓯᔨᐅᒐᑦᑕ ᑭᙵᕐᓂ ᐃᑦᓴᕐᓂᑕᕐᓄᑦ, ᐅᖓᑖᓃᑦᓱᑎᒃ ᑎᑎᖅᑐᒐᐃᑦ 100,000.

TD ᐊᑐᐃᓐᓇᐃᑦ ᐊᖏᖅᓯᒪᒍᑎᖏᑦ

TD  ᐊᑯᓂᐊᓗᒃ ᐊᖏᖅᓯᒪᒍᑎᖃᖅᑐᖅ ᐃᓗᐃᑐᒃᑯᑦ ᐃᓅᓯᕐᒥᑦ ᑐᓂᓯᒃᑲᓐᓂᕈᒪᓪᓗᑎᒃ ᐱᔨᑦᓯᕋᖅᑕᒥᓐᓄᑦ,  ᐱᓇᓱᐊᖃᑎᒥᓐᓄᓪᓗ ᐊᒻᒪᓗ ᓄᓇᓕᐅᔪᓄᑦ ᓇᒥᓕᒫᖅ. ᐱᔾᔪᑎᖃᖅᓱᑎᒃ ᒪᓂᒪᑎᑦᓯᓂᒃᑯᑦ ᑲᑐᔾᔨᖃᑎᒌᓐᓂᖅᔪᐊᒃᑯᓪᓗ, ᑯᐊᐸᕇᓴᐅᓪᓗᑎᒃ ᓄᓇᖅᑲᑎᒋᔭᐅᓂᕐᒥᓄᓪᓗ ᑕᖅᑲᐅᖓ  ᑖᒃᑯᐊ ᐊᑐᐃᓐᓇᐅᓂᕐᒥᓄᑦ ᐊᖏᖅᓯᒪᒍᑎᖃᕐᓂᒃᑯᑦ ᑕᐃᔭᐅᔪᒥᑦ,  TD ᑐᕌᒐᖃᖅᐳᑦ ᑲᓇᑕᒥ ᑮᓇᐅᔭᖅ ᓴᓐᖏᓂᖓᓂᑦ ᐊᑐᕐᓗᑎᒃ $ 1 ᐱᓕᐊᓐᑖᓚᓂᑦ (billion) (ᒥᐊᓕᒐᐃᑦ ᑮᓇᐅᔭᖓᑕ ᓴᓐᖏᓐᓂᖓᓄᑦ ᐊᑐᕐᓗᓂ $ 775 ᒥᓕᐊᓐᑕᓚᐅᕗᑦ) ᑲᑎᓪᓗᒋᑦ ᑐᕌᖅᕕᐅᓇᓱᐊᖅᑐᖅ ᑎᑭᐅᑎᓗᒍ 2030-ᒧᑦ ᓄᓇᓕᐅᔪᓄᑦ ᑐᓂᓯᒍᒪᓪᓗᑎᒃ ᓯᑕᒪᐃᑦ ᑐᓐᖓᕕᒋᓗᐊᕐᓗᒋᑦ ᒪᑐᐃᖅᓯᒍᑕᐅᓗᑎᒃ ᐃᓚᒋᔭᐅᓂᕐᒥᑦ ᐊᒻᒪᓗ ᒪᑭᒪᓇᓱᐊᕐᓂᒃᑯᑦ ᓯᕗᓂᑦᓴᖃᑦᓯᐊᖁᓪᓗᒋᓪᓗ – ᑮᓇᐅᔭᑎᒍᓪᓗ ᒪᑭᒪᑦᓯᐊᕐᓂᕐᒥᒃ,  ᓯᓚᖅᔪᐊᕐᒥᒃ ᐃᒃᐱᒍᓱᑦᓯᐊᕐᓂᕐᒥᒃ,  ᓄᓇᓕᕋᓴᐅᔪᓪᓗ ᐊᑦᑐᐊᒍᑎᓂᖃᕐᓗᑎᒃ ᐊᒻᒪᓗ ᑎᒥᒃᑯᑦ ᐃᓱᒪᒃᑯᓪᓗ ᖃᓄᐃᓐᖏᑦᓯᐊᕐᓂᕐᒥᒃ.  ᑖᒃᑯᑎᒎᓇ ᐊᑐᐃᓐᓇᐅᒍᒪᔪᓄᑦ,  TD ᐱᔨᑦᓯᕋᕈᑎᒥᓂᑦ ᐊᑐᐃᓐᓇᐅᑎᑦᓯᓂᐊᖅᐳᑦ,  ᐃᑲᔪᕈᒪᓂᕐᒥᑎᒍᑦ  ᖃᓄᐃᓐᖏᑉᐹᓪᓕᕐᓂᕐᒧᑦ ᑮᓇᐅᔭᑎᒍᑦ ᑐᓂᓯᖃᑦᑕᕐᓂᒃᑯᑦ  ᐊᒻᒪᓗ ᐃᓄᖁᑎᖃᖅᓱᑎᓪᓗ ᐃᓄᓐᓂᑦ ᐃᑲᔪᕈᒫᕐᓂᐊᖅᑐᓂᑦ – ᑮᓇᐅᔭᑎᒍᑐᐃᓐᓇᐅᖏᑦᑐᖅ,  ᑐᕌᖅᑕᖏᓐᓂᓪᓗ ᐃᑲᔪᖅᑕᐅᔪᓐᓇᕐᓂᖏᓐᓄᑦ ᓯᓚᖅᔪᐊᑦᑎᓐᓂᑦ ᐊᓯᔾᔨᖅᐸᓪᓕᐊᑐᐃᓐᓇᖅᑐᒥᓪᓗ.

Go to top